Qeveria socialiste e drejtuar nga Edi Rama do vazhdojë dhe sot për të dytën ditë më radhë takimin informal, ku po raportojnë të gjithë zëvendësministrat dhe sekretarët e përgjithshëm të secilës ministri. Në këtë mbledhje, vetë ministrat kanë rol dytësor.
Rama publikoi një foto nga mbledhja dje, duke shkruar: “Sapo mbyllëm ditën e parë të mbledhjes së zgjeruar të qeverisë, me debate të dobishme dhe shumë material të vlefshëm për sezonin e ri”.
Të gjithë ministrat janë të pranishëm, ndërsa burime bëjnë me dije se pas analizës dy ditore në kabinet, nuk përjashtohet mundësia që kreu i qeverisë të vijoj me të tjera ndryshime.
Kjo u paralajmërua edhe nga kryeministri Rama në mbledhjen e Asamblesë, ku burime thanë se kryesocialisti kishte deklaruar se ‘me qeverinë do merrej.
