Fshati Zharrëz i Patosit u kthye në epiqendër të festës myzeqare. Panairi i traditës “Brez pas Brezi mbetem Myzeqar” solli kulinarin e shumëllojshme dhe ngjyrat e bukura të folklorit.
Produktet bio dhe gatimet tradicionale, përgatitur gratë myzeqare u ekspozuan në panairin ku morën pjesë përqeshës të pushtetit qendror e lokal, banorë, fermerë, dhe nxënës të shkollave.
“Unë kam paraqitur sot gatimet kryesore që kane ardhur si trashëgimi nder breza, që janë trashëguar nga gjyshet tona dhe sot ne përcjellim. Këtu kam kulaçin me mblac, byrekun e zonës tonë, kabuninë dhe pulën me përshesh Është një festë që duhet të vazhdojë pasi përcjell traditën dhe zakonet e zonës tonë.”-tha Klara Semenjaku.
Për zëvendës ministrin e Bujqësisë Dhimitër Kote, dhe Kreun e Bashkisë, Fation Duro këto festa shërbejnë për të promovuar zonën e Myqezesë.
“Sot në këtë zonë është një festë sepse këtu të gjithë fermerët demonstrojnë të tëra prodhimet dhe produktet e tyre. Organizimi është bërë bukur është një nga festat më të bukura të traditës myzeqare e ndërthurur edhe me prodhimet e zonës e ndërthurur dhe me gatimet tradicionale, natyrisht dhe me veshjet tradicionale. Natyrshëm që është një zonë e lidhur me bujqësinë, me prodhimet bujqësore kështu që këto festa motivojnë, mobilizojnë por dhe përgjegjësojnë shtetin për ti ndihmuar akoma më shumë fermerët. “- tha Dhimitër Kote.
“Është një traditë që e ndjekim prej 5 vitesh. Si çdo vit kemi patur një pjesëmarrje të konsiderueshme. Këtë panair tradicional e kemi zhvilluar sivjet në fushën sportive të kësaj zone ku banorët treguan vlerat e zonës ,kulturën tonë njëkohësisht ja transmetojmë brezave.”- tha Fation Duro.
Panairi zhvillohet për të pestin vit radhazi në “Ditën Kombëtare të Trashëgimisë Kulturore” me qëllim ruajtjen e pasqyrimin e vlerave kulturore, zakoneve e riteve të zonës së Myzeqesë.
