Këtë të Mërkurë, kryeministri Edi Rama e ka nisur me pamjet nga Drejtoria Rajonale e Shërbimeve të Transportit Rrugor në Berat.
Ai thekson se krahas rritjes së cilësisë së shërbimeve, janë ulur dhe kostot.
“Mirëmëngjes dhe me Drejtorinë Rajonale të Shërbimeve të Transportit Rrugor Berat, ku krahas përmirësimit dhe rritjes së cilësisë së shërbimeve, kemi ulur edhe kostot, përmes vendosjes së paneleve fotovoltaike, të cilët mbulojnë një pjesë të nevojave vjetore për energji elektrike në këtë drejtori, ju uroj një ditë të mbarë”, shkruan Rama në Facebook-un e tij.
