Ekziston një ritual që Lionel Messi e kryen me obsesion.
Barcelona, Paris, Miami: kudo që ai shkon, argjentinasi merr me vete të njëjtin bagazh të gjërave për të bërë absolutisht sepse gjithçka në jetën e tij duhet të përshtatet në mënyrë të përsosur. Dhe shpeshtësia e veprimeve të caktuara duket se e ndihmon atë të ruajë ekuilibrin e brendshëm.
Çfarë bën ai? Leo foli edhe një herë për këtë në një intervistë të fundit. Çdo mbrëmje, para se të flejë, sigurohet që tavolina të jetë gati për të nesërmen. Pse?
“E lë çdo gjë në vend”, ka pranuar Pleshti, duke nënvizuar se asgjë nuk duhet të ndryshojë rendin për të cilin ai ndjen nevojë. Në të vërtetë, ai është aq i lidhur me këtë aspekt, sa kërkon që të gjithë, përfshirë gruan dhe fëmijët, të ulen gjithmonë në të njëjtin vend kur janë mbledhur rreth tavolinës.
“Duhet të kenë gjithmonë të njëjtin vend në tavolinë”, sqaron ai shpejt. Dhe ai e përsërit atë disa herë. “Në mëngjes të gjithë e dinë se ku duhet të ulen… gjithmonë në të njëjtën karrige, të gjithë kanë vendin e tyre në tavolinë. Të gjithë… fëmijët, Antonella… edhe unë”.
Ka edhe një zbulim tjetër të habitshëm: Messi nuk mban dot veshur atlete. Ne çfarë kuptimi? “Do të thotë që kur kthehem në shtëpi i heq menjëherë. E bëj edhe kur shkoj te një njeri i afërt”.
Më pas është marrëdhënia me ushqimin. Cilat janë të preferuarat? Si futbollist duhet të ndjekë një dietë të veçantë, e cila përfshin shumë sakrifica. Por kur e pyesin se cilat pjata preferon, ai nuk ka dyshime:
“Mish i pjekur, makarona…” dhe gjëra te ëmbla që e tërheqin vërtet si “çokollata dhe çdo gjë e ëmbël ne përgjithësi… unë nuk e ha shumë por herë pas herë me pëlqejnë”.
Kurioziteti i fundit kushtuar pijes tradicionale, “mate”. Messi tregon se si shija e pijes në këtë çështje ka ndryshuar. “E pi të nxehtë dhe të hidhur, në fillim e kam preferuar të ëmbël, pastaj jam mësuar ta pi të hidhur”.
