Gersi Troka, 23-vjeçari i cili bëri historinë duke qenë studenti i parë me sindromën down në Shqipëri ka rrëfyer historinë e tij prekëse në podcastin e Ramës. Gersi tha se do donte të shihte të atin vetëm njëherë përpara se të ndërronte jetë, sidoqoftë ai thotë se edhe kjo ka qenë shtysa e tij për t’u bërë kampion noti.
‘Që prej ikjes së babait tim nga jeta unë ndjej keqardhje sepse nuk e kam takuar kurrë. Do doja ta takoja vetëm njëherë përpara se të ikte. Por, ikja e tij u bë shtysa ime për të qenë kampion dhe për të mos u dorëzuar kurrë.’- tha Gersi Troka.
