Cate Blanchett, Joaquin Phoenix, Dua Lipa, Susan Sarandon, Rooney Mara, John Stewart, Kristen Stewart, Riz Ahmed, Rami Youssef janë në mesin e 55 aktorëve dhe artistëve të Hollivudit që nënshkruan një letër të hapur drejtuar Presidentit të SHBA Joe Biden duke i kërkuar atij të kërkojë shtyerje të armëpushimit në Rripin e Gazës.
“Ne i bëjmë thirrje qeverisë tuaj dhe të gjithë liderëve botërorë që të nderojnë të gjitha jetët në Tokën e Shenjtë dhe të bëjnë thirrje për një armëpushimi pa vonesë – si dhe fundin e bombardimeve të Gazës dhe lirimin e sigurt të pengjeve,” theksojnë ata në letrën e tyre.
“Ne refuzojmë t’u tregojmë brezave të ardhshëm historinë e heshtjes sonë, se ne qëndruam pranë dhe nuk bëmë asgjë. Siç tha kreu i operacioneve humanitare të OKB-së, Martin Griffiths, ‘historia po shikon’”, theksojnë ata duke shtuar se “ndihma humanitare duhet të lejohet të hyjë në Rripin e Gazës”.
Letra përfshin gjithashtu një koment nga përfaqësuesi i UNICEF-it, James Elder, i cili nënvizon efektet shkatërruese të sulmeve ajrore dhe bllokadës së vazhdueshme izraelite ndaj banorëve të Rripit të Gazës.
“Fëmijët dhe familjet në Gaza janë praktikisht pa ushqim, ujë, energji elektrike, ilaçe dhe akses të sigurt në spitale pas ditëve të sulmeve ajrore dhe bllokadës së rrugëve të furnizimit,” shpjegon Elder.
“Të mërkurën pasdite, termocentrali i vetëm në Gaza mbeti pa karburant, duke ndërprerë energjinë elektrike, ujin dhe trajtimin e ujërave të zeza (…) Situata humanitare ka arritur në një nivel vdekjeprurës dhe megjithatë informacionet flasin për sulme të mëtejshme. Duhet të mbizotërojë dhembshuria dhe ligji ndërkombëtar”, thekson ai.
Artistët britanikë bëjnë thirrje gjithashtu për një armëpushim.
Në fillim të kësaj jave, grupi Artists for Palestine UK lëshoi një letër tjetër duke bërë thirrje për një armëpushim në Gaza dhe ndihmë humanitare për enklavën palestineze. Ky njoftim është nënshkruar ndër të tjera nga Tilda Swinton, Mike Lee, Michael Winterbottom dhe Steve Coogan.
Në letrën e tyre, artistët akuzuan qeverinë britanike se “jo vetëm toleron kryerjen e krimeve të luftës, por ndihmon në kryerjen e tyre”.
