Mosgrumbullimi i Armando Brojës në ndeshjet e muajit nëntor nga trajneri i kombëtares Silvinjo, bëri që të përhapen shumë zëra se mes tij dhe trajnerit ka pakënaqësi. Por si qëndron e vërteta? Vetë Broja ka folur për herë të parë dhe ka zbuluar të vërtetën e ‘zënkës’ me Sylvinhon.
Përmes një postimi në Instagram, Broja ka shuar çdo dyshim duke bërë tq qartë se mes tij dhe trajnerit Sylvinho nuk ka asgjë. I dëmtuar për një kohë të gjatë gati një vjeçare, sulmuesi nuk ka marrë pjesë në kualifikueset për Euro 2024. Broja shkruan se tekniku nuk e ka përzgjedhur vetëm për shkak të dëmtimit që kishte pësuar dhe se kishte luajtur shumë pak në këtë periudhë.
Broja thotë se kanë qarkulluar lajme të rreme dhe se ai e do kombëtaren me gjithë zemër, madje në fund i ka uruar fitoren ne ndeshjen e nesërme me Ishujt Faroe në Air Albania.
“I gjithë ky lajm i rremë që qarkullon duke thënë se unë dhe menaxheri jemi zënë është gënjeshtër e plotë. Unë e dua kombëtaren me gjithë zemër. Isha shumë i mërzitur që mun desh të humbisja 1 vit të kombëtares për shkak të dëmtimit dhe më pëlqen të besoj se unë dhe menaxheri kemi një marrëdhënie shumë të mirë ku mund të flasim lirshëm dhe me respekt me njëri-tjetrin. Ai ka bërë një punë të mrekullueshme dhe jam personi më i lumtur që shoh Shqipërinë të kualifikohet për Gjermani. Kam shumë respekt për të gjithë stafin dhe lojtarët dhe menaxherin në Shqipëri. Ai nuk më zgjodhi mua jo sepse u prishëm bashkë, por thjesht sepse u lëndova dhe nuk isha në formë. Nuk kam luajtur asnjë ndeshje që nga grumbullimi i fundit. Inshallah me fitore nesër. Me respekt Armando Broja”, shkruan Broja.
