ANGLI – Për Karim Benzema, fillimi i vitit kalendarik është shumë i ndërlikuar… Sulmuesi francez i Al-Ittihad është qartazi në një situatë konflikti me klubin e tij, i zemëruar me kthimin e tij të vonë nga pushimet, pasi u bllokua nga një ciklon në Mauritius.
Klubi saudit gjithashtu kritikon Benzema edhe për faktin se ai nuk ka dhënë asnjë lajm. I përjashtuar nga kampi përgatitor në Dubai dhe duke shkuar drejt një takimi të stuhishëm me drejtuesit e tij dhe Marcelo Gallardon, trajneri i tij, sulmuesi francez e gjen veten në errësirë për të ardhmen e tij.
A mund të mendohet se Benzema kërkon të largohet vetëm disa muaj pas mbërritjes së tij në Al-Ittihad? Është e vështirë të thuhet. Ditët e fundit, megjithatë, është shfaqur një mundësi joshëse me zbulimet e një media angleze për një interes të mundshëm nga Arsenali.
Veç se kjo derë është mbyllur shumë shpejt orët e fundit. Në një konferencë për shtyp, Mikel Arteta siguroi se asnjë shënues nuk do t’i bashkohej “Topçinjve” gjatë muajit janar. “Një golashënues i ri? Nuk na duhet. Dhe arsyeja e parë është sepse më pëlqejnë lojtarët që kemi”,- tha trajneri i “Topçinjve”, i cili nuk mund të ishte më i qartë.
