Tashmë siç dihet Kylian Mbappe do të largohet nga PSG-ja në fund të këtij sezoni, me francezin që pritet të veshë më në fund fanelën e Real Madrid. Sulmuesi do të kalojë në “Santiago Bernabeu” me parametra zero, pasi kontrata me kampionët e Ligue 1 i përfundon në qershor.
Të gjithë te “Los Blancos” janë vënë në dijeni të transferimit të Mbappe. Është vetë presidenti Florentino Perez që ka informuar skuadrën për diçka të tillë.
Tifozët madrilenë presin me padurim të shikojnë sulmuesin francez të luajë në “Bernabeu”, ndërsa Mbappe do t’i jepte fund një “telenovele” të gjatë me disa seri. Në merkaton e verës palët pritet të firmosin kontratën mes tyre, me 25-vjeçarin që do të merrte mbi super repartin e sulmit të “Los Blancos”.
