Igli Tare gati të rikthehet në Serie A. Ish-sulmuesi i kombëtares shqiptare, i dha fund në verë aventurës 15-vjeçare si drejtor sportiv i Lazios.
Mësohet se 50-vjeçari shqiptar po bisedon prej ditësh me Napolin, për të marrë të njëjtën detyrë. Por tashmë te kampionët në fuqi të Italisë.
Negociatat mes Tare dhe presidentit Aurelio De Laurentiis po shkojnë mbarë dhe brenda 10 ditëve të ardhshme pritet zyrtarizimi i akordit. Me Napolin që do të shndërrohet në klubin e dytë të Tares si drejtor sportiv, pas eksperiencës së gjatë dhe të suksesshme në kryeqytet.
