Rrjetet sociale, janë kthyer në një mjet kërcënimi, duke u kthyer në një shqetësim madhor, për njerëzit e thjeshtë, por edhe për ata publikë.
Mësohet se rasti i fundit publik është ai ish-banores së Big Brother VIP 1, Beniada Nishani, e cila vendosi që personin që e kërcënonte online, ta publikonte me emër dhe figurë.
Ky ishte një veprim, për t’i dhënë edhe një mesazh të gjitha vajzave dhe grave që bien pre e kërcënimeve, që të mos heshtin, por t’i denoncojnë.
Avokati Alban Duraj, i ftuar në “Wake Up”, u shpreh rastet e tilla janë shtuar kohët e fundit edhe për shkak të zhvillimit të teknologjisë, ndërsa bën thirrje që institucionet të reagojnë në kohë dhe personat përgjegjës të marrin dënimin e merituar.
