Ambasada e Britanisë së Madhe në Tiranë ka reaguar ashpër në lidhje me inicidentet e regjistruara ditën e sotme në protestën mbajtur nga opozita para Bashkisë së Tiranës. Përmes një reagimi në rrjetet sociale, ambasada dënon përdroimin e akteve të dhunës dhe frikësimit.
Më tej në reagim shkruhet se përdorimi i koktejve molotov nuk kanë vend në demokraci. Gjithashtu në reagim thuhet se Mbretëria e Bashkuar vazhdon të kërkojë që të gjitha mosmarrëveshjet të kryhen përmes proceseve demokratike.
Postimi i plotë:
Skenat jashtë Bashkisë së Tiranës sot dhe përdorimi i koktejve molotov nuk kanë vend në demokraci. Ambasada Britanike dënon përdorimin e dhunës dhe aktet e frikësimit.
Mbretëria e Bashkuar vazhdon të kërkojë që të gjitha mosmarrëveshjet dhe konfliktet të kryhen përmes proceseve demokratike, pa dhunë dhe se duhet respektuar sundimi i ligjit.
