Ish-lojtari i Anglisë, Alan Shearer, është i bindur se Bellingham do të luajë një rol shumë të rëndësishëm për Anglinë gjatë Kampionatit Evropian të kësaj vere në Gjermani.
“Ai mund të jetë ‘faktori X’, nëse shikoni se çfarë ka arritur. Numrat e tij te Real Madrid këtë sezon, golat dhe asistimet e tij, nuk janë të lehta për t’u bërë”,- tha Alan Shearer për agjencinë e lajmeve ‘PA’.
Shearer beson, se Bellingham duhet të përdorë “si avantazh” faktin që ai luan për një klub me “fuqinë” e Real Madridit dhe “presionin nën të cilin jeni duke qenë kaq i ri”.
“Nuk ka dyshim se të luash për Anglinë në “Euro 2024” nuk do të ndikojë aspak tek ai, do të luajë një rol të madh në atë që bën Anglia”,- shtoi Shearer.
Ish-lojtari anglez tha për rolin e Anglisë në “Euro 2024” se “ne kemi një shans të madh për të fituar turneun, pa dyshim. Ka kaluar një kohë e gjatë, hera e fundit që ishim afër ta bënin atë në Wembley kundër Italisë, por humbëm me penallti.
Është një mundësi për këta djem që të bëjnë historinë e tyre dhe të jenë një ikonë, siç ishin ata të ’66-ës, kjo është ajo për të cilën po luajnë, ndaj le të shpresojmë që ata ta arrijnë, sepse do të ketë një mënyrë për ta arritur. Një vit, duhet të jetë këtë vit,”- tha ai.
