Presidenti ukrainas, Volodymyr Zelensky ka zhvilluar një bisedë telefonike me kryeministrin Edi Rama.
Ndërsa e cilësoi një mik të madh të Ukrainës, Zelensky tha se e falenderoi Ramën për konfirmimin e pjesëmarrjes në Samitin e ardhshëm të Paqes.
Gjithashtu u diskutua mbi bashkëpunimin e vazhdueshëm të Shqipërisë dhe Ukrainës në fushën e mbrojtjes.
“Kam biseduar me kryeministrin shqiptar Edi Rama, një mik i madh i Ukrainës, për Samitin e ardhshëm të Paqes dhe e falënderova për konfirmimin që Shqipëria do të marrë pjesë. E informova kryeministrin Rama edhe për situatën e luftës, konkretisht për mbrojtjen e rajonit të Kharkiv. Ne diskutuam gjithashtu bashkëpunimin tonë të vazhdueshëm në mbrojtje”, shkruan Zelensky.
