Kryetarja e Kuvendit, Lindita Nikolla, me rastin e festës së 1 qershorit është shprehur se në këtë ditë duhet të reflektojmë të gjithë për më shumë kujdes për mirërritjen dhe shëndetin e fëmijëve.
“Në Ditën Ndërkombëtare të Fëmijëve, të reflektojmë të gjithë:
për 1 qershorin
Për më shumë kujdes për mirërritjen dhe shëndetin e fëmijëve.
Për shkollimin dhe edukimin e tyre, me dije bashkëkohore, shprehi të qëndrueshme, vlera shoqërore e demokratike, si qytetarë aktivë e të denjë të shoqërisë.
Për një mjedis të sigurt, duke i rrethuar fëmijët me dashuri e ndjenja njerëzore, për t’i mbrojtur prej varfërisë, padijes, dhunës dhe rreziqeve të tjera.
Investimi për fëmijët është më largpamësi dhe më dobiprurësi investim i familjes, komuniteteve, institucioneve dhe shoqërisë”,-është shprehur Nikolla.
