[9:38 AM, 7/22/2024] Flogert Muca: Këshilli Bashkiak i Tiranës i jep dritën jeshile miratimit të marrëveshjes së grantit me Fondin e Katarit për Zhvillim (FKPZH), për financimin dhe ndërtimin e sheshit fundor të Bulevardit të Ri të Tiranës. Për realizimin e këtij projekti, Bashkia e Tiranës do të përfitojë një grant prej 11 milionë USD, i bërë i mundur përmes Ambasadës së Katarit në Tiranë.
Bulevardi i Ri i Tiranës, që shtrihet nga ish-Stacioni i Trenit deri në Lumin e Tiranës, është transformuar në një nga zonat më të rëndësishme të kryeqytetit. Për të plotësuar nevojat infrastrukturore dhe rekreacionale të kësaj zone, Bashkia e Tiranës ka ndërmarrë iniciativën për ndërtimin e sheshit fundor të Bulevardit të Ri, i cili pritet të shërbejë si një vend pushimi për qytetarët dhe turistët.
Sheshi i ri do të ofrojë një mjedis natyror të qetë, duke kombinuar elementë të ujit, gjelbërimit dhe aktiviteteve rekreative e relaksuese. Ky projekt synon të përmirësojë imazhin kulturor të Tiranës, si në nivel kombëtar ashtu edhe ndërkombëtar, duke rritur vlerën e zonës përreth.
Ky projekt, me një rëndësi të madhe për zhvillimin urban dhe rekreativ të Tiranës.
[9:39 AM, 7/22/2024] H: po
[9:40 AM, 7/22/2024] Flogert Muca: Balluku në bypass-in e Vlorës: Asnjë tolerancë për abuzuesit e hapësirave publike përgjatë akseve rrugore
Në bypass-in e Vlorës, përmes ndërhyrjes së Inspektoratit Kombëtar të Mbrojtjes së Territorit, është bërë e mundur largimi i të gjitha subjekteve të cilat në mënyrë abuzive kishin zaptuar hapësirat publike duke i shfrytëzuar ato për ushtrimin e aktiviteteve tregtare. Këto ndërhyrje të paligjshme kishin dëmtuar edhe sigurinë rrugore, duke krijuar kështu rrezik për të gjithë përdoruesit e këtij aksi rrugor.
Pas largimit të tyre përmes IKMT-së, do të nisë një fazë e re për kthimin e disa prej këtyre pikave në vendpushime për të gjithë qytetarët, por edhe vizitorët e huaj, të cilët do të mund të shijojnë panoramën që ofron zona.
Zëvendëskryeministrja, njëherësh Ministër i Infrastrukturës dhe Energjisë, Belinda Balluku ishte në terren, në një prej pikave tashmë të çliruara falë ndërhyrjes së inspektorëve të IKMT-së, së bashku me drejtorin e FSHZH, Dritan Agolli dhe kreun e IKMT, Ervin Hoxha.
“Pothuajse në të gjithë aksin, Babicë-Orikum, Orikum-Dukat është bërë identifikimi i të gjitha subjekteve. Ka qenë një tendencë pothuajse në të gjitha sheshpushimet për vendosjen e një aktiviteti tregtar, kryesisht i vogël, me kioska, dhe me gjithë paralajmërimet tona për tu zhvendosur dhe për tu çliruar këto hapësira publike, për të krijuar një sheshpamje nga ana e turistëve, kjo ka qenë e pamundur. Në fund ne si IKMT morëm një vendim për zhvendosjen e tyre dhe pothuajse të gjitha pikat, 18, të cilat ishin të paligjshme, u zhvendosën”, njoftoi Hoxha referuar aksionit të ndërmarrë përgjatë disa ditëve nga ana e IKMT-së në zonë.
Nga ana e tij, drejtori Agolli njoftoi se ka nisur puna për identifikimin e pikave ku do të ndërtohen këto vendqëndrime, ku deri më tani janë 5 të tilla. “Do të mundësojmë të bëjmë disa projekte të cilat ne shpresojmë që pas përfundimit të sezonit turistik, shtator-tetor, të fillojmë nga puna që për sezonin tjetër të jenë të gjitha gati”, tha drejtori i FSHZH.
Zëvendëskryeministrja Balluku tha se do të nisë menjëherë puna për projektimin e këtyre pikave, për të qenë gati në sezonin e ardhshëm turistik, duke shërbyer si një mjedis pushimi për të gjithë qytetarët.
“Ajo çka duhet të bëjmë është që duhet të nisim menjëherë projektimin e saktë dhe ashtu siç kemi bërë me platformën në Llogara për ka kthyer në një platformë me kushte dhe parametra sigurie, çka është më e rëndësishme. Këtu duhet të marrim të gjitha masat për kushtet e sigurisë gjatë projektimit dhe më pas për ndërtimin e tyre për ti pasur në sezonin tjetër”, nënvizoi Balluku.
Ministrja e Infrastrukturës dhe Energjisë paralajmëroi se nuk do të ketë asnjë tolerim për këdo që abuzon, duke njoftuar se do të ketë ndëshkime administrative në rast se do të konstatohen shkelje të ngjashme, jo vetëm në bypassi-in e Vlorës, por në çdo aks tjetër rrugor, pasi këto ndërhyrje rrezikojnë përdoruesit e rrugës.
“Periudha e këshillimit përfundon këtu dhe tashmë do fillojnë të merren masa të mirëfillta, qoftë kjo me gjoba dhe akte të tjera administrative, pasi duhen respektuar të gjitha palët dhe jemi duke folur jo thjesht për respektin e pronës shtet, por po flasim edhe për sigurinë”, paralajmëroi Balluku.
