Raportimi në Kuvend i Guvernatorit të Bankës së Shqipërisë, Gent Sejko ka nxjerr një pah disa nga arsyet pse ky i fundit është sulmuar personalisht dhe kallëzuar nga Shoqata e Përmbaruesve Privat.
Gent Sejko është pyetur nga deputetja e PS-së, Pranvera Resulaj për një vendim të vitit 2017 i miratuar nga Gazment Bardhi asokohe, ministër i Drejtësisë i qeverisë teknike, udhëzim që rriti tarifat e përmbarimit privat në vend. Resuli e ka pyetur Guvernatorin nëse çështja e microkrediteve dhe sulmet ndaj tij kanë lidhje dhe me një udhëzim për tarifat e përmbaruesve të miratuar nga Gazment Bardhi në vitin 2017.
“Nga përgjigja juaj duket qartësisht se procedurat e ndjekura nga Banka e Shqipërisë kanë qenë korrekt dhe ligjore. Por ju përmendët çështje që lidhen me zyrat përmbarimore dhe meqenëse jemi këtu, pyetja ime ka lidhje me një udhëzim të datës 28 qershor të vitit 2017, nga Ministri të Drejtësisë të qeverisë teknike i asaj kohe (Gazment Bardhi), udhëzim i përbashkët 385/7 “për caktimin e tarifave dhe shërbimin e ofruar nga shërbimi përmbarimor gjyqësor privat”.
Po shkoj të pyetja si ka interferuar në punën e institucionit tuaj apo qoftë dhe me institucionet e Microkreditit ky udhëzim?”, u shpreh deputetja e PS.
REAGIMI I SEJKOS
Por gjatë përgjigjes, Gent Sejko, Guvernatori i Bankës së Shqipërisë, ka deklaruar në Parlament se e ka kundërshtuar këtë udhëzim për tarifat e përmbaruesve privat, pasi sipas tij ka rritur kostot për shërbimet e qytetarëve.
Madje, Sejko ka shtuar se, ky udhëzim është një nga arsyet pse është sulmuar nga Shoqata e Përmbaruesve Privat.
“Nëse s’jam gabim për këtë udhëzim të viti 2017, unë kam qenë në detyrë, jam marrë jo vetëm nga Ministria e Drejtësisë, por edhe nga Ministria e Financave, nga ty dyja ministritë, ka patur një udhëtim të përbashkët i asaj periudhe, ka patur një reagim të fortë nga sistemi bankar kundër këtij udhëzimi pasi rriste fite e përmbaruesve në mënyrë të konsiderueshme dhe kërkonte parapagim pa u kryer puna. Ndërkohë që kjo rëndonte mbi qytetarët shqiptarë, pasi bankat do t’ua faturonin klientëve.
Natyrisht që ky udhëzim do të rriste fite për qytetarët, por edhe kostot për qytetarët, pasi kostot e kredive që do kalonin në përmbarim, bankat do të ishin të detyruara të kalonin një fit duke mos patur të qartë rezultatin e procesit dhe përfundimin e përmbarimit.
Ka pasur një debat të gjatë disa vjeçar është kundërshtuar nga zyrat e përmbarimit nuk i di detajet pasi vetë Shoqata e Bankave i ka ndjekur nuk kam qenë i përfshirë në këtë proces, por kam qenë në dijeni të disa shkresave për dijeni, pasi Shoqatat e Bankave e kanë ndjekur me përfaqësuesit e Ministrisë së Drejtësisë dhe me bankat. Mesa di kjo çështja ka shkuar deri në Gjykatën kushtetuese dhe e ka rrëzuar këtë udhëzim, por është një nga elementet që përmbaruesit janë të pakënaqur me Bankën e Shqipërisë dhe më akuzojnë mua personalisht mesa kuptoj…Ky udhëzim është një nga esenca e faktit që kam marrë dhe kallëzime nga Shoqata e Përmbaruesve, por duhet kuptuar që nuk ka rol Banka e Shqipërisë.
Bankat janë institucione subjektet entitete juridike të pavarura dhe kanë shoqatat e tyre dhe negociojnë direkt. Natyrisht në si Bankë Shqipërie interesohemi për mbarëvajtjen e sistemit bankar… Natyrisht që ky udhëzim ndikon në xhepat e qytetarëve sepse bankat fitë dhe komisionet ia faturojnë qytetarëve, problemi është që me rastin e pyetjes tuaj dua të theksoj, duhet kuptuar mirë për detyrimet ligjore që ka Banka e Shqipërisë, shpesh herë Bankës së Shqipërisë i atribuohen fuqi ligjore dhe atribute që nuk i ka.
Ne nuk mund t’i urdhërojmë dot bankat e nivelit të dytë jashtë kuadrit ligjor, dhe s’e kemi bërë. Ne nuk ndërhyjmë, ne ndërhyjmë në sistemin financiar bankar aty ku ligji na detyron në funksion të stabilitetit financiar të ruajtjes së kursimeve të qytetarëve, marrëdhëniet tregtare të biznesit me kontrata apo me marrëveshje të çfarëdoshme apo me vendime të Këshillit të Ministrave të cilat janë jashtë tagërit të Bankës së Shqipërisë, ne mund të ndërhyjmë për koordinim, por nuk kemi asnjë tagër dhe praktikisht nuk kemi ndërhyrë për këtë udhëzim, është zgjidhur dhe është një kërkesë e Shoqatës së Përmbaruesve. Pra Shoqata e Bankave dhe Shoqata e Përmbaruesve do duhet ta gjejnë bashkë dakordësinë me njëra-tjetrën. Por edhe ne na kanë përfshirë dikur dhe unë nuk kam dashur të përfshihem në këtë marrëdhënie palësh”, u shpreh Guvernatori.
