Aktori i humorit Visjan Ukcenaj ka dhënë një intervistë për “Pushime on Top”.
Moderatorja e programit Lei Kraja e pyeti atë për eksperiencën e tij në “Portokalli” dhe raportin me kolegët.
Ai u shpreh se ka një marrëdhënie të mirë me kolegët, por nuk e fshehu faktin se mund të ketë xhelozi mes tyre. Sipas aktorit, xhelozia në një program të tillë është e pashmangshme dhe tregon kompleks inferioriteti.
Ti ishe blerja më e re në “Portokalli”, si mund ta përkufizosh sezonin? Të mikpritën kolegët?
Unë u bëra blerje e vjetër sepse Cubi u bë blerje e re sepse erdhi një sezon pas meje. Realisht jam pritur shumë mirë. Përpos Lorit që ma bëri futjen shumë të lehtë dhe më hapi dyert që të mos kisha asnjë pengesë, Iliri pastaj ka qenë ai që jam ndjerë komod dhe i befasuar me mënyrën se si ka bashkëpunuar me mua dhe se si ma ka bërë integrimin tim në Portokalli, madje shumë njerëz më thonë që “dukesh sikur ke qenë gjithmonë pjesë e Portokallisë, nuk duket sikur je hyrje e re”. Kjo është edhe falë Ilirit edhe falë punës sonë të përbashkët. Jam shumë i lumtur me stafin, shkojmë shumë mirë, janë shumë profesionalë dhe shpresoj të vazhdojmë sa më gjatë kështu.
Ka xhelozira mes jush?
Xhelozirat janë gjithmonë, unë nuk mërzitem kurrë nga xhelozët, xhelozitë do ekzistojnë gjithmonë në këtë profesion, pavarësisht se shprehen indirekt.
Ta ka shprehur dikush direkt?
Nuk mendoj se mund të kem marrë ndonjë indice drejtpërdrejt por edhe mund ta kem marrë. Thjesht e kam nënvlerësuar. Unë jam me idenë që çdokush ka vendin e vet, askush nuk i zë vendin askujt, sidomos në një profesion që është i dukshëm dhe transparent për publikun. Nuk e gënjen dot publikun. Nëse dikush është i mirë dhe dikush është i keq, nuk ka se si i keqi të zërë vendin e të mirit. Nëse janë të mirë të dy, kanë vend të dy. Unë mendoj që çdo lloj xhelozie që vjen është mungesë inteligjence dhe kompleks inferioriteti.
