Alternime kthjellimesh dhe vranësirash të herëpashershme do të mbizotërojnë kushtet e motit në të gjithë territorin shqiptar deri në mesditë kur priten shtim i vranësirave si fillim në zonat veriore dhe gradualisht do të përfshijnë të gjithë territorin e vendit. Parashikohet që pasditja të sjellë shtim të mëtejshëm të vranësirave duke gjeneruar rrebeshe shiu në të gjithë territorin, ku herë pas here do të shoqërohen me stuhi të forta ere si edhe breshër. Më të theksuara reshjet do të jenë në zonat veriore dhe qëndrore të Shqipërisë. Kjo situatë e paqëndrueshme atmosferike do të mbetet edhe gjatë natës. Temperaturat e ajrit do të vijojnë të larta në mëngjes, por mesdita sjell rënie të ndjehsme të tyre duke luhatur vlerat ditore nga 13°C vlera më e ulët deri në 32 °C vlera më e lartë në territor. Era do të fryjë mesatare në tokë dhe deri e fortë në det me shpejtësi mbi 60 km/h nga drejtimi permanent jugor duke krijuar në brigjet detare dallgëzim 5 – 6 ballë.
Kosova
Masat ajrore të paqëndrueshme do të sjellin vranësira të dendura në pjesën më të madhe të Kosovës, ku hera herës priten rrebeshe afatshkurta shiu në zonat veriore dhe veriperëndimore. Pjesa e dytë e ditës do të shtojë vranësirat në të gjithë territorin duke gjeneruar shira në fromë shtrëngate në të gjithë Kosovën. Herë pas here priten stuhi të forta ere. Parashikohet që kjo situatë destabilizuese e motit do të mbetet deri mëngjesin pasardhës. Temperaturat e ajrit do të mbeten kostante në vlerat minimale, por ulen ndjeshem maksimumet duke luhatur vlerat ditore nga 14°C minimalja e shënuar përkatësisht në qytetin e Mitrovicës deri në 29°C vlera maksimale e cila do të shënohen në qytetin e Prizrenit. Era do të fryjë mesatare paradite, por e fortë gjatë pasdites duke arritur shpejtesinë maksimale deri në 60 km/h nga drejtimi Jugor
Maqedonia e Veriut
Moti i vranët do të mbizotërojë në të gjithë republikën e MV, ku më të theksuara vranësirat do të paraqiten përgjatë zonave në Jug dhe Jugperëndim të territorit ku hera herës vranësirat do të zhvillohen duke sjellë rrebeshe shiu. Pjesa e dytë e ditës do të shtojë vranësirat duke gjeneruar shira të dendur në të gjithë territorin e MV nuk do të mungojnë gjithashtu stuhitë e forta të erës si edhe mini-stuhi breshëri. Temperaturat e ajrit do të vijojnë të larta në vlerat minimale, por ulen me 3 – 4 gradë maksimumet duke luhatur vlerat ditore nga 14°C vlera minimale deri në 31°C vlera maksimale e cila do të shënohet në qytetin e Shkupit. Era do të fryjë mesatare gjatë paradites por deri e fortë në pjesën e dytë të ditës duke arritur shpejtesinë maksimale mbi 65 km/h nga drejtimi kryesisht jugor.
Europa
Zhvillimi i dy qendrave me presion të ulët atmosferik përkatësisht në Veri dhe veriperëndim të Europës do të sjellin reshje të dendura shiu si edhe mini-stuhi ere në gadishullin Skandinav, ishujt Britanikë si edhe zonën e Alpeve. Po ashtu gadishulli Apenin si edhe rajoni i Ballkanit do të paraqiten me vranësira konvektive; rrebeshe shiu si edhe stuhi të forta ere ndërsa moti i kthjellët do të jetë dominant përkatësisht në; Europën Qendrore, Europën Jugperëndimore si edhe vendet e Europës Lindore.
