Gjatë bisedës në “Wake Up” për programet e Top Channel, Françeska Murati u shpreh e lumtur për faktin që Kiara Tito do të drejtojë “Portokalli” apo edhe që Heidi Bacit i është besuar “Goca dhe Gra”. Ish-konkurrentja e BBV3 tha se është shumë mbështetëse ndaj suksesit të të tjerëve pasi gjithçka ka mbetur brenda në atë shtëpi.
Thënë kjo, ajo tregoi se ka një marrëdhënie ndryshe me Egla Cenon, edhe pse në format patën përplasje të forta. Tani kanë një miqësi të mirë mes tyre, madje fituesja pi edhe kafe me nënën e saj.
Unë nuk është se kam dalë nga shtëpia dhe nuk kam shoqëri me njeri. Unë jam zënë, jam shplarë, jam larë me Eglën, më ka shtyrë për në pishinë, jemi bërë nuk e di dhe tani jemi shoqe, del e pi kafe me nënën time sepse në fund të ditës kemi ditur të dallojmë faktin që çfarë ka ndodhur aty brenda mbetet aty brenda. Ishin situatat në Big, jemi në jetën reale dhe ajo në jetën reale nuk është ashtu me mua. Në jetën reale është tjetër Egla dhe unë mbase jam tjetër Françeska. Ka ardhur te ditëlindja e Charlie, jemi kënaqur, është shumë e sjellshme. Nuk kam asnjë hatërmbetje me njerëzit nga Big, mbase kanë ata me mua se kanë ngelur aty brenda, le të rrinë. Në momentin që dola nga shtëpia, dola edhe mendërisht.
