Ditën e nesërme, Partia Socialiste do të mbledh Asamblenë Kombëtare në qytetin e Durrësit në ora 11:00. Asambleja e re e PS-së u zgjodh nga votat e delegatëve të Kongresit të PS në 28 korrik të këtij viti.
Kjo asamble ka rreth 350 anëtarë, nga të cilët Kongresi i korrikut zgjodhi vetëm 156 prej tyre, pasi pjesa tjetër zgjidhen automatikisht për shkak të funksioneve drejtuese që kanë. Kjo asamble pritet të zgjedh Kryesinë e re të Partisë Socialiste dhe Sekretariatin e PS.
Tashmë jemi në një vit zgjedhor dhe partia që ka mazhorancën në parlament ka filluar të ndez motorët e cila do i paraprijë fushatës zgjedhore.
Në faqen zyrtare të Partisë Socialiste është publikuar agjenda e Asamblesë e cila zhvillon punimet ditën e nesërme:
PARTIA SOCIALISTE E SHQIPËRISË
SEKRETARI I PËRGJITHSHËM
N J O F T I M
Mbështetur në Statutin e PS, neni 37, pika 5, ju njoftojmë se më datën 08.09.2024, ora 11.00, në sallën e Hotel FAFA Durrës, zhvillohet mbledhja e Asamblesë Kombëtare të PS me rend dite:
1. Hapja e mbledhjes dhe miratimi i Rendit të ditës.
2. Fjala e Kryetarit të Partisë Socialiste, Edi Rama.
3. Zgjedhja e organeve drejtuese të PS.
4. Të ndryshme.
SEKRETARI I PËRGJITHSHËM I PS
Blendi KLOSI.
