Gjykatësi që kryeson gjyqin ndaj Donald Trump në Nju Jork ka shtyrë dënimin e planifikuar për javën e ardhshme dhe ka dhënë leje për avokatët e tij që të kërkojnë pushimin e çështjes.
Sipas mediave të huaja, gjykatësi i shtetit, Juan Merchan vendosi pasi zyra e Prokurorit të Qarkut të Manhattanit, Alvin Bragg, tha në një dosje në gjykatë në fillim të kësaj jave se nuk do të kundërshtonte një mocion të avokatëve të Trump për të vonuar dënimin e tij për 34 akuza për krime të falsifikimit të të dhënave të biznesit.
Në maj, një juri e Nju Jorkut e shpalli presidentin e zgjedhur tashmë fajtor për falsifikimin e të dhënave të biznesit për të kryer mashtrime zgjedhore.
Trump ishte në qendër të një skeme për të mbuluar pagesat e “parave të heshtura” për të blerë heshtjen e një ylli pornoje në ditët para zgjedhjeve të 2016-ës.
Kur zbulimet nga Stormy Daniels për një lidhje seksuale me Trump kërcënuan të prishin fushatën e tij presidenciale, ai e urdhëroi avokatin e tij t’i paguante asaj 130,000 dollarë për ta mbajtur të heshtur.
Pagesa e varrosi historinë dhe Trump më vonë u zgjodh presidenti i 45-të i Shteteve të Bashkuara.
