Big Basta ka risjellë këngën e famshme shkodrane të 1948-ës, “Kur gjethet bien në vjeshtë” të kënduar nga i madhi Rudolf Stambolla. Ai ka zgjedhur të bashkëpunojë me dy artistët e njohur, MC Kresha dhe Lyrical Son.
I ftuar në emisionin “ABC e Mëngjesit”, reperi ka treguar detajet e kësaj këngë, për të cilën ka kërkuar leje nga familjarët e artistit të ndjerë. Sakaq, ai theksoi se me djemtë njihet prej vitesh dhe gjithçka ishte organike.
“Është një ndërthurje kulturore e madhe. Unë në familje kam shkodran. Motrën e kam martuar në Shkodër dhe ai gjithmonë e dëgjonte këtë këngë. Edhe gjithmonë insistonte, shikoje këtë këngën. Po unë i thosha e kam albumin ‘Tirona e Nonës’ dhe shkoj direkt në studio.
Me MC Kreshën dhe Lyrical Son jemi rritur bashkë dhe kemi ruajtur kontakte të vazhdueshme. Lindi shumë organike, kënga dhe bashkëpunimi”, u shpreh Big Basta.
