Presidenti i Shteteve të Bashkuara të Amerikës, Donald Trump ka dalë në skenë për të festuar fitoren. Trump është pritur me brohoritje të mëdha nga mbështetësit e tij. Ka shumë njerëz në skenë me Donald Trump – duke përfshirë kandidatin e tij për zv.president, JD Vance, gruan e tij Melania Trump, familjen më të gjerë dhe stafi i fushatës. Ai falenderoi turmën që e zgjodhi si presidentin e tyre të 47-të, si dhe të 45-in.
“Ne do të ndihmojmë vendin tonë të shërohet. Do luftoj çdo ditë për ju, me çdo frymë që do të marr nuk do të ndaloj derisa t’ju jap Amerikën që meritoni. Kjo do të jetë koha e artë e Amerikës. Kjo është një fitore magjike për njerëzit që na lejuan ta bëjmë Amerikën madhështore sërish (MAGA). Do të rregullojë kufijtë. Kjo do të jetë “epoka e artë” e Amerikës. Kjo është një fitore madhështore për popullin amerikan, që do të na lejojë ta bëjmë Amerikën përsëri të madhe.”Amerika na ka dhënë një mandat të paprecedentë dhe të fuqishëm. Dua të falenderoj dhe gruan time të bukur, zonjën e Parë, Melania. Ajo ka publikuar librin më të shitur në vend. Ajo ka bërë një punë të shkëlqyer dhe punon shumë për të ndihmuar njerëzit. Falenderoj edhe fëmijët e mi të mrekullueshëm,”-tha Trump në fjalimin e tij.
Amerika votoi! Tek Republikanët ka nisur festa. Deri tani Trump ka siguruar 266 prej 270 votave të nevojshme të Kolegjit Elektoral për t’u shpallur president. Kamala Harris ka marrë 219 vota elektorale. Pavarësisht se numërimi nuk ka përfunduar, Fox News ka projektuar se Trump fiton me 277 vota elektorale.
