Fotografja suedeze Cecilia Blomdahl ka gjetur një ngrohtësi të jashtëzakonshme në Svalbard, arkipelagun norvegjez afër Polit të Veriut.
E vendosur në qytetin Longyearbyen, Blomdahl dokumenton jetën e saj unike për miliona ndjekës në rrjetet sociale dhe së fundmi ka publikuar një libër të titulluar “Jeta në Svalbard.”
Blomdahl lëvizi në Svalbard në vitin 2015 dhe e përshkruan këtë vend si një përvojë natyrore dhe qetësuese.
Por, jeta në këto kushte nuk është aspak e lehtë: temperaturat bien deri në -34.4 gradë Celsius, dhe kafshët e egra si arinjtë polarë dhe dhelprat arktike shfaqen shpesh në rrugë. Njerëzit që jetojnë këtu janë tërhequr nga natyra e jashtëzakonshme dhe ndjenja e aventurës që ofron kjo zonë e largët, shkruan CNN.
Svalbard shquhet për periudhat unike të ndriçimit të tij: nata polare, nga nëntori në janar, kur dielli nuk ngrihet mbi horizont dhe dielli i mesnatës nga prilli në gusht, kur dielli nuk perëndon.
Këto kushte ekstreme mund të ndikojnë në shëndetin e banorëve, por Blomdahl, pavarësisht sfidave, e përjeton natën polare si periudhë qetësie dhe përqendrimi.
Ajo thekson se mënyra e të menduarit është vendimtare për të kaluar këto ditë të gjata të errësirës.
Ndërsa Svalbard po përballet me ndryshimet klimatike, me ngrohje që po ndodh gjashtë herë më shpejt se mesatarja globale, komuniteti përpiqet të përshtatet duke mbështetur kërkimet shkencore për të studiuar ndikimin e ndryshimeve të shpejta.
Blomdahl, ndërkaq, fokusohet në krijimin e përmbajtjeve që tregojnë bukurinë dhe jetën e qetë të Arktikut, duke dëshiruar të ruajë identitetin e këtij vendi unik.
