Si të mos kishte kaluar një ditë, me një buzëqeshje në fytyrë, Ronaldinho ishte një nga titullarët në ndeshjen mes legjendave të Barcelonës dhe legjendave të Real Madridit në Doha, në një seri miqësoresh komerciale, që na mbushin me nostalgji dhe na bëjnë të kthehemi disa vite mbrapa, edhe ata… disi më të rinjtë, edhe ata më të vjetërit.
Në ndeshjen e dytë të luajtur nga “Barca Leyendas”, pas të parës në të cilën luajtën edhe Javier Saviola, Rivaldo dhe Giovanni (në të luajtën edhe Eric Abidal dhe Raul Bravo) protagonist ishte “Ronnie”, që garoi për herë të parë në sezonin aktual dhe vuri nënshkrimin e tij gjerësisht.
“Magjistari” i fëmijërisë së shumë futbolldashësve ishte ai që dyfishoi golat e skuadrës së tij herët, ndërsa pati edhe një energji të jashtëzakonshme individuale në pjesën e dytë (56’), që të kujtonte golin e tij të shtatë me kombëtaren braziliane para disa vitesh kundër Arabisë Saudite. Në këtë rast, për fat të keq, ai nuk gjeti një gol.
Për legjendat e Real Madridit, protagonist ishte i pashprehuri Luis Figo, i cili shkurtoi rezultatin në 2-1 për “merengët”, duke u kujtuar shumë njerëzve se sa shumë e urrenin kur u largua nga “Camp Nou” për t’u bërë një banor i Madridit.
Kongo bëri rezultatin 2-2 në kohën e rregullt, para se “blaugranët” ta fitonin ndeshjen me penallti (4-2). Shikoni momentet kryesore nga ndeshja:
