Oriola Marashi është një ndër modelet më të bukura shqiptare, por edhe më të suksesshme. Karriera e saj përfshin bashkëpunime të rëndësishme, është imazh kompanish të mëdha dhe e kemi parë të ecë edhe nëpër pasarela.
Por përtej këtij suksesi, ka pasur edhe vështirësitë e saj. Modelja u ka kërkuar ndjekësve t’i bëjnë 5 pyetje dhe e para së cilës i është përgjigjur lidhet me përjetimin e ankthit. Gjithçka ndodhi gjatë kohës që ajo po bëhej shumë e famshme dhe çdo dalje e saj vëzhgohej imtësisht. E gjitha zgjati rreth dy vite dhe për modelen, ishte sfiduese e nisi të ndikonte në vetëvlerësimin e saj.
Ka pasur një periudhë në jetën time, rreth dy vite, kur kam vuajtur nga ankthi. Ishte gjatë kohës kur karriera ime po merrte hov dhe po bëhesha më e njohur: Në fillim, ishte emocionuese, por më pas u bë tepër e rëndë. Dalja me miqtë në qendra tregtare, restorante apo vende të tjera nisi të më bënte të ndihem në siklet, sepse njerëzit shpesh më fotografonin (fshehurazi). Më pas, i shihja ato foto në faqet e internetit, ku bënin krahasime midis asaj se si dukesha në Instagram dhe si dukesha në jetën reale.
Në jetën reale, unë jam një person shumë i thjeshtë. Dua thjesht të jem komode dhe vetvetja. Por gjatë asaj periudhe, njerëzit dukeshin të fiksuar pas këtyre krahasimeve, dhe kjo më bëri të ndihem shumë e pasigurt. Fillova të dyshoja në pamjen time, të pyesja veten nëse isha mjaftueshëm e bukur apo e vlefshme.
Ndiqesha vazhdimisht nga ndjenja e gjykimit, dhe kjo ndikoi shumë në shëndetin tim mendor:
Duke reflektuar tani, dua të ndaj diçka të rëndësishme, sidomos me gratë që mund të kalojnë të njëjtën gjë. Instagrami nuk tregon gjithmonë të vërtetën.
Është i kuruar, i filtruar dhe shpesh shumë larg realitetit. Ajo që vërtet ka rëndësi në jetë nuk është si dukemi apo çfarë kemi, por si i trajtojmë njerëzit dhe dashuria që ndajmë. Me kalimin e kohës, kam mësuar ta vlerësoj këtë dhe të përpiqem të jem vetvetja. Të pranosh veten ashtu si je, ndërkohë që përpiqesh të përmirësohesh, është një nga gjërat më të mira që mund të bësh për shëndetin tënd mendor:
Për këdo që ndihet i gjykuar apo i pasigurt: je i mjaftueshëm. Duaje veten për atë që je, jo për atë që të tjerët presin të jesh. Jeta është shumë më e bukur kur përqafojmë autenticitetin tonë dhe gjejmë gëzim duke qenë versioni ynë i vërtetë dhe i thjeshtë.
