“Më të motivuar besojmë se janë të promovuar në karrierë dhe pozicione dhe të shikojmë se si do të performojnë por kemi bindjen se policia e shtetit do të cojë në një shkallë tjetër performancën e vet, që ka ardhur në rritje, por që tanimë është detyrimisht e matshme me standartet e BE. Kjo është arsyeja që duhet bërë ende më shumë. Një gjë dua të nënvizoj në fund për këtë pjesë që falë bashkëpunimit me SPAK dhe punës së bërë, sot jemi në një nivel krejt tjetër. Flas për fakte dhe shifra, jo për perceptime, në raport me forcën që ka fituar shteti dhe terreni që ka humbur krimi i organizuar. Jemi në një nivel tjetër tjetër edhe sa i përket rezultateve të luftës kundër trafiqeve dhe drogës. Më lejoni një sugjerim jo si kryeministër për ju si bashkëqytetar të këtij vendi. Mos ia bëni Shqipërisë, atë që të tjerë ia bëjnë me kollajllëkun më të madh duke e pikturuar si vend krimi dhe droge sepse nuk është. Nëse do të ishte, nuk do të ishte duke negociuar me BE.”
