Milano synon të bëhet një qytet i lirë nga pirja e duhanit. Me Vitin e Ri, jeta do të jetë më e vështirë për duhanpirësit, edhe jashtë, sepse nga 1 janari 2025 ndalimi i pirjes së duhanit do të shtrihet në të gjitha mjediset publike apo mjediset për përdorim publik, duke përfshirë rrugët, tarracat, tavolinat e lokaleve të jashtme.
Prandaj do të mund të pini duhan në vende të izoluara ku është e mundur të ruani një distancë prej të paktën 10 metrash nga njerëzit e tjerë. Këtë e ka vendosur komuna në Rregulloren e Cilësisë së Ajrit dhe parashikohen gjoba nga 40 deri në 240 euro për ata që nuk respektojnë ndalimin.
Milano ishte qyteti i parë italian që vendosi një goditje kundër pirjes së duhanit në vende publike. Në kryeqytetin e Lombardisë ndalimi kishte qenë tashmë në fuqi që nga viti 2021 në disa zona.
Disa prodhues dhe tregtarë të duhanit planifikojnë të kundërshtojnë ndalimin e ri në gjykatën rajonale, duke pretenduar se bashkia nuk ka autoritetin për të marrë një vendim të tillë.
Një vendim i ngjashëm me atë në Milano u vu në fuqi në Torino, një tjetër qytet industrial në veri, në muajin prill. Bashkia e Torinos ndaloi pirjen e duhanit në ambiente të hapura kur ka persona të tjerë më pak se pesë metra larg.
