– Shtëpia e Bardhë ka publikuar portretin zyrtar të Zonjës së Parë të SHBA-së, Melania Trump. E shkrepur në Shtëpinë e Bardhë një ditë pasi bashkëshorti i saj u betua si president, fotoja bardh e zi e tregon Melania-n të veshur me një kostum biznesi të errët dhe këmishë të bardhë ndërsa mbështet duart në një tavolinë reflektuese në dhomën e verdhë ovale.
Ndërkohë, monumenti i Uashingtonit, i cili ngrihet mbi kryeqytetin e vendit, shihet në sfond. Portreti është shkrepur nga Régine Mahaux, një fotografe nga Belgjika që ka bërë foto të familjes Trump për më shumë se 20 vjet.
“Isha vërtet e nderuar që u zgjodha për të fotografuar këtë portret zyrtar për herë të dytë. Si artiste të punosh me një grua kaq frymëzuese është një privilegj i madh. Ajo është një perfeksioniste dhe është me të vërtetë e përfshirë në procesin krijues”, tha Mahaux për BBC të hënën.
