Kryeministri Edi Rama i është përgjigjur kreut të PD Sali Berisha, i cili e akuzoi kreun e qeverisë se ka kryer dy krime zgjedhore, siç janë bonusi i pranverës për pensionistët dhe mbledhja e një dite më parë me punonjësit e Bashkisë së Tiranës.
Përmes një psotimi në rrjetet sociale, Rama me ironi shkruan se Bufi i Kënetës e paska denoncuar për dy krime zgjedhore, ndërsa sqaron se bonsusi i pranverës vejn pas premtimit të bërë një vit më parë falë rritjes ekonomike, dhe nuk ka aspak lidhje me zgjedhjet.
Sa i përket takimit me punonjësit e Bashkisë, Rama thotë se është një “krim” që do e përsërisë sepse në 16 maj Tirana do të mikpresë 46 udhëheqës të kontinentit europian dhe 8 lider të organizatave të mëdha si BE e NATO, kështu që ata punonjës kanë shumë punë për të bërë.
Postimi i i Ramës:
Me paska denoncuar këneta për dy krime zgjedhore🦉
E para paskam kryer krim me bonusin e pranverës për pensionistët, që është shpallur që vjet falë rritjes së fortë ekonomike dhe të ardhura që kanë kaluar parashikimet për 2024!
Krime të tilla për pensionistët kam ndërmend të kryej akoma, madje edhe më të rënda se ky i marsit dua t’i bëj, këtë vit dhe në vitet në vijim, kështu që këneta të bëjë denoncimet e veta, ndërsa pensionistët e dinë vetë se ç’do t’i bëjnë kënetës më 11 maj👊
E dyta paskam kryer krim në Sheshin Skënderbej me mbledhjen e punës me punonjësit e bashkisë që sapo kishin dalë nga puna. Ky është një tjetër krim që kam ndërmend ta përsëris, sepse në 16 maj Tirana do të mikpresë 46 udhëheqës të kontinentit europian dhe 8 lider të organizatave të mëdha si BE e NATO, kështu që ata punonjës kanë shumë punë për të bërë.
Natyrisht këneta ka bërë përsëri atë që bën qysh nga 1912 e asisoj edhe qëkur unë u shfaqa si djalli që ia mbylli rrugën e Tiranës e pastaj të Shqipërisë, bufit, zhabave, zhapikëve dhe zhgarravinave të saj, të cilët mua mund të vazhdojnë të më ndjekin nga pas, po Tiranën dhe Shqipërinë e kanë humbur përgjithmonë✌️
Kua – kua – kua
