Myslim Murrizi, kandidon në primaret e Partisë Demokratike, për t’u bërë kandidat për deputet në zgjedhjet e 11 majit.
I ftuar në emisionin “Të Paekspozuarit”, Murrizi tha se nuk është nga ata “që dredh belin”, siç bënë disa deputetë që kërcenin me këngën për Sali Berishën, por tha se primaret i konsideron të drejta.
Myslim Murrizi: E para, jo doktor Berisha zhvillon primare, por ato janë detyrim statutor. Statuti e detyron të bëjë primare. Unë në Këshill Kombëtar kam thënë që primaret duheshin pak më herët dhe me një stil tjetër, jo me një votë, sepse armiqëson anëtarësinë e PD.
Ylli Rakipi: Këta të tjerët hodhën valle për doktorin, ndoshta kështu duhet. Kurse ti del dhe gërthet… Mos bën gabim Myslim?
Myslim Murrizi: Unë jam rehat duke paguar koston e lirisë time. I kam parë ata që dredhin belin. Në 35 vite që i përkas kësaj partie, atij i kanë dredhur valle dhe belin, çfarë nuk kanë thënë.
Fjala ime në Këshill kombëtar kështu ka qenë, të kishte të drejtë për më shumë se një votë, të mos privoheshin. Politika është për mua, nuk eksportohet demokracia, është gjë shpirtërore.
Duhet ta bësh shpirtërisht për vete. Deputetët sot nuk zgjidhen, emërohen. Edhe kaq sa ka, është falë armikut këtu, që ndryshoi Kushtetutën, bëri Kod zgjedhor pa herës dhe ia prisha.
Mua nuk më sheh në valle të dredh belin. Në këtë kohë që është, do të ketë një qejfmbetje të vogël por do të zbutet. Kjo është garë.
Ylli Rakipi: Është vërtetë kjo një garë?
Myslim Murrizi: Nuk futem në lojë nëse nuk besoj. E besoj se do të votojnë 14-15 mijë anëtarë në Tiranë dhe 40 mijë anëtarë në të gjithë Shqipëri.
