KQZ ka publikuar modelin e fletëve të votimit dhe ia ka dërguar partive për konsultim, në mënyrë që të vlerësojnë nëse janë të përshtatshme.
Fleta e votimit, në krye të saj ka logon e partisë kryesore në koalicione, më pas emrin e kreut të koalicionit, si dhe të gjitha partive që përbëjnë koalicionin. Më pas janë të renditur të gjitha kandidatët e listës së hapur.
Vëmendje tërheq fleta për votuesit në Tiranë, si qarku me numrin më të madh të deputetëve.
Pasi partitë politike të njihen me modelin e fletëve të votimit për të gjitha qarqet, KQZ do të marrë vendimin përfundimtar në mbledhjen e saj të martën, në orën 16:00.
