Deputetja e PS, Blerina Gjylameti, e ftuar në emisionin “Drejt” në “Ora News”, foli për sfidën e saj në betejën elektorale për Tiranën, duke e cilësuar atë si një garë të vështirë, por njëkohësisht një mundësi për të tejkaluar barrierat dhe për të arritur objektivin e përbashkët.
“Me përgjegjësinë vjen dhe motivimi. Unë ndryshe nga një pjesë e mirë do kisha surprizë në qoftë se do të isha në listën e mbyllur, jo në listën e hapur, duke menduar gjithë llogjikën sesi është ndërtuar ekipi i Tiranës. Nuk mendoj që do të jetë një sfidë që nuk do ta tejkaloj, jam mësuar me sfida. Në anën tjetër mendoj që ajo që do të na bashkojë të gjithëve shumë më tepër se ajo që do na ndaj do të jetë në funksion të objektivit të përbashkët, që t’ia dalim të marrim këtë mandat të katërt”, u shpreh Gjylameti.
