Ambasada e Shteteve të Bashkuara të Amerikës në Tiranë ka reaguar pas mbajtjes së zgjedhjeve parlamentare të 11 majit, duke përcjellë një mesazh urimi për qytetarët shqiptarë.
Përmes një deklarate të shkurtër, Ambasada ka përgëzuar popullin shqiptar për procesin zgjedhor dhe ka ritheksuar angazhimin për të vijuar bashkëpunimin strategjik mes dy vendeve.
“Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë,” – thuhet në reagimin e Ambasadës Amerikane.
Ky mesazh vjen në një moment ku vëmendja ndërkombëtare është e fokusuar te përparimi demokratik dhe integrimi evropian i Shqipërisë. SHBA ka qenë tradicionalisht një mbështetëse e fortë e reformave në vend, sidomos në drejtësi dhe sundim të ligjit.
Ambasada nënkupton vijimësinë e mbështetjes për institucionet shqiptare dhe aspiratat euroatlantike të vendit.
