Vendi ynë do të paraqitet nën ndikimin e alternimeve të kthjellimeve dhe vranësirave të shpeshta në pjesën më të madhe të territorin ku herë pas here pritet zhvillim i tyre duke gjeneruar reshje shiu; të cilat në zonat Veriore – Verilindore do të jenë në formë rrebeshi.
Parashikohet që deri vonë në mbrëmje; vendi të mbetet me vranësira dhe shira ku në zonat veriore, zonat Qendrore dhe pjesërisht në Juglindje të territorit do të ketë edhe rrebeshe.
Temperaturat e ajrit do të pësojnë rritje në mëngjes, por ulen në mesditë duke luhatur vlerat ditore nga 9°C vlera më e ulët e shënuar në qytetin e Peshkopisë deri në 27°C vlera më e lartë e cila do të regjistrohet në qarkun e Beratit.
Era do të fryjë mesatare deri e fortë me shpejtësi mbi 55 km/h nga drejtimi Verior duke sjellë në brigjet e Adriatikut dhe Jonit dallgëzim mbi 2 ballë.
Kosovë
Republika e Kosovës; paraqitet nën mbizotërimin e vranësirave të dendura dhe reshjeve të shiut ku në zonat perëndimore dhe veriperëndimore priten edhe rrebeshe.
Gjatë orëve të pasdites, vranësirat dhe reshjet e shiut do të jenë prezent pothuajse në të gjithë territorin e Kosovës, megjithatë vonë në mbrëmje pritet ndërprerje e tyre; Temperaturat e ajrit do të pësojnë rritje në mëngjes, por ulen në mesditë duke luhatur vlerat ditore nga 8°C vlera më e ulët deri në 23°C vlera më e lartë në rang territori.
Era do të fryjë mesatare deri e fortë me shpejtësi deri në 55 km/h nga drejtimi permanent Verior.
Maqedonia e Veriut
Depërtimi i masave ajrore të paqëndrueshme atmosferik drejt republikës së MV do të sjellin; alternime kthjellimesh dhe vranësirash të shpeshta; të cilat pas-mesditës dhe në vijim do të pësojnë zhvillim duke gjeneruar reshje shiu ku herë pas-here do të jenë rrebeshe.
Parashikohet që kushtet e paqëndrueshme atmosferike të na shoqërojnë deri vonë në mbrëmje kur pritet përmirësim gradual i kushteve të motit.
Temperaturat e ajrit do të pësojnë rritje në mëngjes, por ulen në mesditë duke luhatur vlerat ditore nga 8°C vlera më e ulët deri në 26°C vlera më e lartë në rang territori. Era do të fryjë mesatare deri e fortë përgjatë gjithë ditës duke arritur shpejtësinë deri në 50 km/h nga drejtimi permanent Verior.
Si pasojë e prezencës së dy qendrave të fuqishme ciklonare përkatësisht; në Veri të Ballkanit me ndikim deri në Juglindje të Europës do të kushtëzojnë motin në këto rajone ku gadishulli i Ballkanit; gadishulli Peloponez si edhe brigjet e detit të zi do të kenë reshje shiu si edhe stuhi breshëri.
Po ashtu; me rrebeshe shiu e stuhi të forta ere do të paraqiten; Alpet e Europës si edhe gadishulli Apenin, ndërsa nën ndikimin e kushteve të qëndrueshme atmosferike do të jenë; gadishulli Iberik; ishujt Britanikë si edhe vendet e Europës Lindore duke bërë që moti të jetë i kthjellët me vranësira të lehta e kalimtare.
