Një person u arrestua ditën e sotme në orët e para të mëngjesit në Igumenicë nga policia e Njësisë së Hetimit dhe Zbulimit të Krimeve të Igumenicës, ndaj të cilit është ngritur një procedim penal për shkelje të legjislacionit mbi të huajt.
Arrestimi u krye gjatë një kontrolli të ushtruar nga policia në një autobus që do të dilte jashtë vendit.
Autobusi ishte në pronësi të agjensisë Ahmeti Travel dhe kryente një itinerar ndërkombëtar, me drejtues personin e arrestuar.
Gjatë kontrollit, në autobus u gjetën dy shtetas të huaj të cilët nuk posedonin dokumentacionin e nevojshëm për hyrjen dhe qëndrimin e ligjshëm në vend.
Në kuadër të hetimit paraprak, autobusi u sekuestrua, ndërsa të arrestuarit u dërguan në Prokurorinë e Gjykatës së Shkallës së Parë të Thesprotisë, raportojnë mediat.
Shpëtim Ahmeti rezulton të jetë kryetar i Partisë Demokratike Sarandë.
