Pamjet e tmerrit nga ndeshja Serbi-Shqipëri në Beograd, më 14 tetor 2014, janë ende një plagë e hapur për futbollin shqiptar dhe për marrëdhëniet mes dy vendeve. Në atë duel historik për kualifikimet e Euro 2016, ndeshja u ndërpre pas vetëm 42 minutash pasi huliganët serbë sulmuan dhe dhunuan lojtarët shqiptarë në fushë.
Kjo sfidë, e para pas shpërbërjes së ish-Jugosllavisë, u shndërrua në më shumë se një ndeshje futbolli, duke u ngarkuar me tensione historike për shkak të tragjedive të shqiptarëve të Kosovës gjatë luftës.
Pas një beteje të gjatë në Gjykatën e Arbitrazhit Sportiv, Shqipërisë iu dhanë tri pikë dhe fitorja me rezultat 0-3 në tavolinë, por plagët e asaj nate vazhdojnë të ndjehen sot, duke i dhënë përballjes në Tiranë një ngarkesë emocionale të jashtëzakonshme.
