Kryeministri Edi Rama komentoi me entuziazëm vendimin e Komitetit të Përfaqësuesve të Përhershëm të Bashkimit Europian, i cili autorizoi Presidencën Daneze të ftojë Shqipërinë për të paraqitur Pozicionin e saj Negociues lidhur me kapitujt e Grupkapitullit 5: “Burimet, Bujqësia dhe Kohezioni”.
Ky është një tjetër hap i rëndësishëm në rrugën e gjatë të negociatave për anëtarësim në BE, duke theksuar progresin e qëndrueshëm dhe dinamik të Shqipërisë në procesin e integrimit.
“Shqipëria nuk ndalet,” deklaroi Rama, duke nënvizuar se vendi vijon me vendosmëri përmbushjen e standardeve evropiane dhe afrimin me Bashkimin Europian.
Ky zhvillim ngre pritshmëritë për hapjen e kapitujve të mëtejshëm dhe thellimin e reformave në sektorë kyç për ekonominë dhe shoqërinë shqiptare.
