Një ditë më parë, Sali Berisha doli në një konferencë për mediat i entuziazmuar se presidenti amerikan Donald Trump kishte sulmuar filantropistin George Soros dhe djalin e tij, Alex.
Kryedemokrati komentoi deklaratën e Trump se George dhe Alex Soros duhet të hetoheshin nën ligjin federal RICO për përfshirje në protesta të dhunshme, duke ‘harruar’ kështu se ishte vetë ai që dikur e lavdëronte filantropistin dhe madje e falenderonte edhe për fitoren e PD-së në zgjedhje.
Megjithatë, përveç kësaj, me komentet e djeshme Berisha bie ndesh gjithashtu edhe me atë që deklaronte më përpara për Donald Trump. Në një postim të datës 7 janar të vitit 2021, Berisha shprehej kundër asaj që ndodhi në Kongresin amerikan nga mbështetës të Trump pas fitores së zgjedhjeve të asaj kohe nga demokrati Joe Biden. Në mes rreshtave, kreu i PD-së e akuzonte gjithashtu Trumpin si nxitës të protestës së dhunshme, ndërsa fliste edhe për grupe ekstremiste.
“Sulmin ndaj Kongresit të SHBA, nxitjen e tij nga Presidenti Trump, e dënuan ish-presidenti George W. Bush, shumica e senatorëve republikanë dhe zyrtarë të lartë të administratës së SHBA-së, si dhe liderë nga mbarë bota.”, shkruante mes të tjerash Berisha në postim.
Reagimi i plotë i Berishës i datës 7 janar 2025:
Demokracia amerikane kaloi mbreme nje nate te veshtire! Miq, i mbledhur ne drejtimin e zevendes Presidentit Pence dhe spiker Pelosit ne procesin kushtetues te certifikimit shtet per shtet te elektorve te zgjedhjeve qe u fituan nga kandidati demokrat per president Joe Biden, Kongresi i SHBA u sulmua nga qytetare te revoltuar fanatik te Presidentit ne largim Donald Trump, te cilet besonin ne pretendimin e tij te hedhur poshte nga gjykatat se zgjedhjet u vodhen. Protestuesit e zemeruar çane rrethimin mbrojtes te policise, hyne me force ne ndertesen e Kongresit, nderprene punimet e tij dhe bastisen zyra dhe salla kryesore te nderteses.
Nga nderhyrja e policise gjate rivendosjes se sigurise per punimet e Kongresit, institucionit themelor kushtetues te SHBA te dhunuar pati 4 viktima disa te plagosur dhe mbi 50 te arrestuar. Pas ketyre trazirave ndofta te pashembullta ne historine e Tempullit te Demokracise, Kongresi u rimblodh, perfundoi çertifikimin e zgjedhjeve shtet pas shteti dhe shpalli fitues me diference te madhe presidentin e zgjedhur Joe Biden.
Sulmin ndaj kongresit te SHBA, nxitjen e tij nga Presidenti Trump e denuan ishpresidenti George. W. Bush shumica e senatoreve republikan, dhe zyrtare te larte te administrates se SHBA si dhe lidere nga mbare bota. Ju ftoj te dashur miq te denojme sulmin e grupeve ekstremiste e fanatike dhe nxitjen e tij ndaj Kongresit dhe t’i urojme atij suksese ne perbushjen detyrave te tij te rendesishme per SHBA dhe demokracine ne bote./Shqiptarja.com
