Astronomët kanë zbuluar një planet të ri. Është vetëm 5 milion vjeçar dhe gjendet në brendësi të një sistemi planetar në formim e sipër, ende i mbuluar nga pluhura dhe gazra kozmikë.
Është emërtuar Wispit 2b, përafrohet me dimensionet e Jupiterit dhe ka një orbitë me rreze rreth 380 herë më të madhe se distanca mes Tokës dhe Diellit.
Ky është i dyti planet që zbulohet në këtë fazë kaq të hershme të krijimit të tij dhe të evolucionit fillestar të sistemit, ky yll i tij, një version mjaft i ri i Diellit tonë, është i rrethuar me unaza të ndritshme, mjaft të bukura.
“Zbulimi i këtij planeti ishte një përvojë e mahnitshme – ne ishim jashtëzakonisht me fat”, tha në një deklaratë udhëheqësja e ekipit dhe studiuesja e Universitetit Leiden, Richelle van Capelleveen. “WISPIT 2, një version i ri i diellit tonë, ndodhet në një grup yjesh të rinj të studiuar pak dhe nuk prisnim të gjenim një sistem kaq spektakolar. Ky sistem ka të ngjarë të jetë një pikë referimi për vitet që vijnë.”
