Spanja po përballet me një valë të rrezikshme zjarresh masive që kanë shkaktuar të paktën një viktimë dhe ka detyruar mijëra persona të largohen nga shtëpitë dhe vendpushimet e tyre.
Një burrë ka ndërruar jetë në zonën e Tres Cantos, në veri të Madridit, pasi pësoi djegie të rënda. Zjarri në këtë zonë ka djegur mbi 1,000 hektarë tokë dhe ka detyruar evakuimin e të paktën 180 banorëve.
Ndërkohë, zjarre të tjera kanë shpërthyer në disa rajone të vendit, përfshirë Andaluzinë, Galician, Navarrën dhe Castile e León, ku temperaturat ekstreme dhe erërat e forta kanë përshpejtuar përhapjen e flakëve. Autoritetet raportojnë se afro 6,000 persona janë evakuuar në të gjithë vendin.
Në qytetin bregdetar të Tarifës, mbi 2,000 turistë dhe vendas janë evakuuar me urgjencë nga hotelet dhe plazhet për shkak të tymit të dendur dhe rrezikut të përhapjes së zjarrit në zona të banuara. Janë ngritur qendra emergjente për të strehuar të prekurit.
Zyrtarët spanjollë kanë ngritur shqetësime se disa nga zjarret mund të jenë të qëllimshme, duke i quajtur aktet si forma të “terrorizmit mjedisor”. Po zhvillohen hetime për të identifikuar shkaktarët e mundshëm.
Kjo valë zjarresh vjen në mes të një valë të nxehti rekord, me temperatura që arrijnë deri në 44°C, duke e bërë situatën edhe më të vështirë për zjarrfikësit.
