Zëdhënësi i Kremlinit, Yuri Ushakov, ka reaguar ndaj një deklarate të presidentit amerikan Donald Trump, i cili sugjeroi përmes një postimi në Truth Social se Kina, Rusia dhe Koreja e Veriut po bashkëpunojnë në mënyrë të fshehtë kundër interesave amerikane.
Duke komentuar për mediat shtetërore ruse, Ushakov i cilësoi komentet e Trump-it si “me tone ironike” dhe mohoi çdo ide për një komplot të përbashkët. Ai theksoi se liderët Vladimir Putin, Xi Jinping dhe Kim Jong Un nuk kanë ndonjë agjendë të fshehtë kundër SHBA-së.
Sipas agjencisë Tass, Ushakov nënvizoi se tre udhëheqësit janë të vetëdijshëm për rolin që Shtetet e Bashkuara luajnë në skenën ndërkombëtare dhe nuk janë të përfshirë në asnjë plan për të sfiduar në mënyrë të koordinuar Uashingtonin.
