Një spektakël qiellor mahniti miliona njerëz në mbarë botën teksa Hëna e Përgjakur u ngrit mbi horizontin e natës, duke transformuar qiellin në një skenë mistike të ngjyrave dhe hijeshisë.
Eklipsi total hënor, një nga fenomenet më të rralla astronomike, u pa nga kontinente të ndryshme, ku qielli i kthjellët lejoi një pamje të qartë dhe mbresëlënëse të këtij momenti unik.
Pamjet e publikuara nga qytete të ndryshme të botës, tregojnë Hënën në një ngjyrë të thellë të kuqërremtë.
Ky ndryshim ndodh kur dielli, Toka dhe Hëna rreshtohen në një vijë të drejtë, dhe hija e Tokës filtrohet përmes atmosferës duke shpërndarë dritën blu dhe duke lejuar vetëm dritën e kuqe të arrijë në sipërfaqen hënore.
Fenomeni, i quajtur “Hëna e Përgjakur”, jo vetëm që tërhoqi vëmendjen e astronomëve dhe dashamirësve të universit, por u shoqërua me rituale, meditime dhe vëzhgime në vende të ndryshme.
Një fotograf në Pekin ka kapur këtë pamje shumë mbresëlënëse të hënës pranë portës Yongdingmen të shekullit të 16-të në kryeqytetin e Kinës.
Një pamje nga afër e Hënës së Përgjakshme nga Johanesburgu.
Një hënë e kuqe e thellë shihet në Kajro, Egjipt.
Njerëzit shikojnë Hënën e Përgjakshme nga Qendra Botërore Financiare e Shangait/ Getty Images
Një “Hënë e Përgjakur” ngrihet mbi qiellin e natës gjatë një eklipsi total hënor në Kinë./ Getty Images
Njerëzit u mblodhën në shëtitoren Bund përgjatë lumit Huangpu për të parë nga afër spektaklin./ Getty Images
Një “Hënë e Përgjakshme” ndodh kur Toka bllokon dritën e Diellit dhe Hëna kthehet në të kuqe për shkak të rrezeve të diellit që përkulen nëpër atmosferën e Tokës./ Getty Images
