Një gjykatë federale e apelit la në fuqi vendimin që obligon presidentin amerikan Donald Trump të paguajë 83.3 milionë dollarë dëmshpërblim për dëmtimin e reputacionit të shkrimtares E. Jean Carroll. Rasti lidhet me mohimin nga Trump i pretendimit të Carroll për përdhunim në vitin 2019.
Gjykata e Apelit e Qarkut të 2-të në Manhattan refuzoi argumentet e Trump për imunitet presidencial, duke e cilësuar vendimin e janarit 2024 si “të arsyeshëm” dhe bazuar në provat e paraqitura gjatë procesit gjyqësor.
Në vendimin e tre gjyqtarëve thuhet se: “Gjykata e rrethit nuk ka gabuar në asnjë nga vendimet e kontestuara dhe juria ka vepruar drejt në vendimin për dëmshpërblim, duke marrë parasysh faktet e jashtëzakonshme dhe skandaloze të këtij rasti.”
Trump mohoi çdo shkelje dhe gjatë fushatës presidenciale e paraqiti betejën ligjore si një komplot të udhëhequr nga Demokratët për të minuar fushatën e tij në 2024.
Ai është aktualisht duke apeluar edhe humbje të tjera në gjykatë, përfshirë dënimin penal të majit 2024 për falsifikim të të dhënave në një skandal seksual.
