Kryeministri Edi Rama prezantoi sot në Asamblenë Kombëtare të Partisë Socialiste strukturën e re të komisioneve të përhershme të Kuvendit të Shqipërisë. Në mandatin e ri parlamentar, do të ketë 11 komisione të përhershme, me më pak anëtarë se në legjislaturat e mëparshme.
Sipas kreut të qeverisë, 7 komisione do të drejtohen nga maxhoranca, ndërsa 4 nga opozita, në një përpjekje për të reflektuar një ndarje më të qartë të përgjegjësive parlamentare dhe një qasje më efikase në punën ligjvënëse.
Struktura e re e komisioneve është si vijon:
Komisioni për Ekonominë, Punësimin dhe Financat – Maxhoranca
Komisioni për Çështjet Ligjore dhe Administratën Publike – Maxhoranca
Komisioni për Çështjet e Brendshme dhe të Mbrojtjes – Maxhoranca
Komisioni për Edukimin, Shkencën dhe Sportet – Opozita
Komisioni për Shëndetësinë dhe Mirëqenien Sociale – Opozita
Komisioni për Burimet Natyrore, Infrastrukturën dhe Zhvillimin e Qëndrueshëm – Maxhoranca
Komisioni për të Drejtat e Njeriut dhe Mjetet e Informimit Publik – Opozita
Komisioni për Bujqësinë, Ushqimin dhe Zhvillimin Rural – Maxhoranca
Komisioni për Kulturën, Turizmin dhe Diasporën – Opozita
Komisioni për Evropën dhe Punët e Jashtme – Maxhoranca
Komisioni për Nismat Qytetare, Bashkëpunimin dhe Mbikëqyrjen Institucionale – Maxhoranca
Kryeministri u shpreh se kjo riorganizim synon të rrisë efikasitetin e punës parlamentare dhe të forcojë rolin e Kuvendit si institucion mbikëqyrës dhe përfaqësues i interesit publik.
