Presidenti rus, Vladimir Putin, ka njoftuar se Rusia ka marrë planin 28-pikësh të propozuar nga Shtetet e Bashkuara për t’i dhënë fund luftës në Ukrainë dhe e konsideron atë si një bazë të mundshme për një marrëveshje paqësore.
Në një takim me Këshillin e Sigurisë në Moskë, Putin shpjegoi se drafti i ri është një version “të modernizuar” të propozimeve që ai pretendohet të jenë diskutuar mes tij dhe Donald Trump në samitin e Alaskës në gusht.
Putin deklaroi se Moska është e hapur për dialog, por se duhet të sqarohet më shumë përmbajtja e planit dhe detajet që përmban. Ai theksoi se, nga njëra anë, Rusia është e gatshme të shkojë drejt një zgjidhjeje, por, nga ana tjetër, duhet transparencë dhe përpjekje konkrete për të arritur marrëveshje.
Sipas tij, palës amerikane i është kërkuar që të tregojë fleksibilitet gjatë negociatave paraprake sipas Putin, SHBA-ja ka nxitur që Rusia të bëjë “lëshime”.
Kjo, sipas tij, tregon vullnetin e Uashingtonit për zgjidhje kompromisi, por paralajmëron gjithashtu se negociatat do të jenë të vështira dhe të nuancuara.
Në lidhje me Kiev, presidenti rus la të kuptohet se refuzimi i planit mund të ketë pasoja serioze. Ai paralajmëroi se, nëse Ukraina nuk e pranon propozimin amerikan, Rusia “do të fitojë më shumë” dhe mund të vazhdojë avancimin në qytete të tjera, përmendur si shembull Kupyansk.
Në anën tjetër, presidenti ukrainas, Volodymyr Zelensky, është paraqitur para kombit me një mesazh dramatik, duke paralajmëruar se vendi po përballet me një zgjedhje strategjike: “ose humbasim dinjitetin, ose humbasim SHBA-në”.
Deklaratat e tij reflektojnë tensionin e madh që po ushtrohet mbi Kievin, ndërsa afati i dhënë nga Trump deri më 27 nëntor për pranimin e planit po rrit presionin.
Kjo lëvizje e Putinit tregon se Rusia dhe SHBA-ja mund të jenë duke u përgatitur për negociata serioze paqësore, por, sipas fjalëve të tij, shumë nga elementët kyç ende janë në diskutim. Në sfond, Ukraina qëndron në udhëkryq me kohën që po rrëshqet dhe me pasigurinë në lidhje me pasojat e një refuzimi që mund të jetë strategjikisht rrezik.
