Kryeministri izraelit Benjamin Netanyahu, në një fjalim në Knesset, ku sot ishte i ftuar edhe kryeministri Edi Rama, shprehu vlerësimet më të larta për homologun e tij shqiptar.
“Ti qëndron mbi të tjerët dhe nuk e kam thjesht në kuptimin fizik, por e kam në kuptimin moral…”, tha Netanyahu.
Kreu i qeverisë izraelite tha se marrëdhëniet mes Shqipërisë dhe Izraelit janë më të mira se kurrë, ndërsa përmendi edhe simbolin e shqiponjës në flamurin kuqezi.
“Ju keni treguar qartësi dhe kurajo dhe për këtë të përshemdesim të gjithë këtu pa përgjeshtim, në të gjthë anët e kësaj salle. Marrëdhëniet mes Shqipërisë dhe Izraelit janë më të mira se kurrë, po kështu në nivel qeveritar ashtu edhe në nivel personal. Kur shoh dy kokat e shqiponjës që shohin në dy drejtimet, si shembull i së shkuarës dhe të ardhmes, shoh po kështu diçka që simbolizon në shikimin nga e ardhmja, bashkëpunimin që bëhet më i fortë.”, tha ai.
Duke vlerësuar përparimin e vendit tonë ai u shpreh “Shqipëria po hap krahët si shqiponja në flamurin tuaj”.
Netanyahu vlerësoi kryeministrin Edi Rama për empatinë e tij, duke thënë se është diçka shumë e rrallë që e ka parë vetëm tek liderë të veçantë.
“Përpjekja që po bëni dhe miqësia e thellë për izraelin, duke qëndruar në anën e së vërtetës dhe kundër gënjeshtrave për izraelin, jua thashë edhe kur folëm pak më parë, kam vizituar shumë vende, jam takuar me shumë liderë, së pari ata shohin interesin e vendit të vet, por këtu ka diçka më të thellë që ndodh vetëm me liderë të veçantë dhe kjo është empatia. Ndihet në ajër, njerëzit e ndjejnë këtë empati të thellë që rrjedh nga zemra dhe kjo reflekton vendin tuaj. Shqipëria e kupton Izraelin dhe Izraeli e kupton Shqipërinë.”, tha Netanyahu.
“Faza e radhës, çarmatosja e Hamasit”
“Faza tjetër është shpërberja e Hamasit, është çarmatosja e Hamasit dhe çarmatosja e Gazës, ne duam ta shpejtojmë këtë fazë dhe nuk duam ta vonojmë. Sa më shumë të vazhdojë kjo situatë aq më shumë s’do mund ta përfundojmë këtë mision.”, tha ai.
Ai vlerësoi vendin tonë për mbështetjen e ofruar për hebrenjtë gjatë Luftës së Dytë Botërore.
Ai tha se “Shqipëria ishte ishulli i paqes në oqeanin e të keqes”.
Gjatë fjalimit të tij, ai premtoi mbështetje financiare për Shqipërinë.
“Jemi gati t’ju ndihmojmë me çdo gjë. Mbështetje për siguri, luftën kundër terrorit, në teknologji, reformat tregtare dhe turizëm. Njerëzit izraelitë janë të zgjuar, e dinë çfarë shohin, çfarë zgjedhin dhe e kanë njohur si një destinacion turistik. Një vend i shkëlqyer për izraelitët dhe shohim një rritje gati me 1 mijë % që vijnë vizitojnë Shqipërinë, edhe falë shijes suaj estetike, po e bëni Shqipërinë më të bukur.”, tha Netanyahu.
