Presidenti Donald Trump tha se nuk do të përdorte forcën për të përvetësuar Groenlandën, deklarata e tij më e qartë deri më tani duke përjashtuar përdorimin e fuqisë ushtarake për të aneksuar ishullin Arktik.
“Ndoshta nuk do të arrijmë asgjë nëse nuk vendos të përdor forcë dhe forcë të tepruar, ku do të ishim, sinqerisht, të pandalshëm”, tha Trump. “Por nuk do ta bëj këtë. Në rregull. Tani të gjithë thonë, oh, mirë”.
“Kjo është ndoshta deklarata më e rëndësishme që kam bërë, sepse njerëzit menduan se do të përdorja forcë. Nuk kam pse të përdor forcë. Nuk dua të përdor forcë. Nuk do të përdor forcë”, tha Trump.
“E tëra që Shtetet e Bashkuara po kërkojnë është një vend i quajtur Groenlandë”, tha ai.
Më vonë, Trump përsëriti se ai parashikon pronësi të plotë të SHBA-së mbi Grenlandën, në vend të një marrëveshjeje të përforcuar.
“E tëra çfarë kërkojmë është të marrim Groenlandën, duke përfshirë titullin e pronësisë dhe të drejtën e pronësisë, sepse ju nevojitet pronësia për ta mbrojtur atë”, tha ai. “Nuk mund ta mbroni atë me kontratë qiraje”.
Trump bëri thirrje sot për “negociata të menjëhershme” me aleatët evropianë për të negociuar një blerje të mundshme të Grenlandës nga SHBA-të.
Duke folur para liderëve botërorë në Forumin Ekonomik Botëror në Davos të Zvicrës, Trump shpjegoi arsyet pse beson se aneksimi i Grenlandës nga SHBA-të – një territor autonom i Danimarkës, një vend anëtar i NATO-s – është në interesin më të mirë të Amerikës dhe Evropës.
“Janë vetëm Shtetet e Bashkuara që mund ta mbrojnë këtë masë gjigante toke, këtë copë gjigante akulli, ta zhvillojnë dhe ta përmirësojnë atë dhe ta bëjnë atë në mënyrë që të jetë e mirë për Evropën, e sigurt për Evropën dhe e mirë për ne”, tha Trump.
