Presidenti kinez Xi Jinping deklaroi gjatë takimit me Vladimir Putinin në Pekin se Kina dhe Rusia duhet të mbeten “fortesa strategjike” për njëra-tjetrën dhe të forcojnë komunikimin në të gjitha nivelet.
Xi tha gjithashtu se dy vendet do të rrisin bashkëpunimin në inteligjencën artificiale dhe inovacionin teknologjik, duke theksuar se Pekini dhe Moska duhet të luajnë rolin e “fuqive të mëdha përgjegjëse”.
Sipas liderit kinez, të dy vendet duhet të mbrojnë drejtësinë ndërkombëtare dhe të kundërshtojnë “të gjitha ngacmimet dhe veprimet e njëanshme që përmbysin historinë”.
Pas fjalimit të Xi Jinping, presidenti rus Vladimir Putin deklaroi se Rusia është e gatshme të vazhdojë furnizimin me energji për Kinën, duke konfirmuar rëndësinë e bashkëpunimit ekonomik dhe strategjik mes dy vendeve.
